ജമ്മു കശ്മീരിലെ പഹൽഗാമിൽ നടന്ന ഭീകരാക്രമണത്തിന് തിരിച്ചടിയായി സിന്ധു നദീജല കരാർ താൽക്കാലികമായി നിർത്തിവെച്ച ഇന്ത്യയുടെ നടപടി പാക്കിസ്ഥാനെ ആകെ തകർക്കുന്നു. അതിർത്തി കടന്നുള്ള ഭീകരതയ്ക്ക്

പാക്കിസ്ഥാൻ നൽകുന്ന പിന്തുണ അവസാനിപ്പിക്കുന്നതുവരെ ഈ നിലപാടിൽ മാറ്റമില്ലെന്ന് ഇന്ത്യ വ്യക്തമാക്കിയതോടെ, പാക്കിസ്ഥാൻ ആകെ പ്രതിസന്ധിയിലായിരിക്കുകയാണ്. * സിന്ധു നദീജലം പാക്കിസ്ഥാന്റെ

ജീവരേഖയാണെന്നും ഇത് താൽക്കാലികമായി നിർത്തിവെക്കുന്നത് രാജ്യത്ത് വലിയ പ്രത്യാഘാതങ്ങൾ സൃഷ്ടിക്കുമെന്നും പാക്കിസ്ഥാൻ സെനറ്റർമാർ മുന്നറിയിപ്പ് നൽകി. "ജല ബോംബ്"

"നിർവീര്യമാക്കാൻ" ഷഹബാസ് ഷെരീഫിന്റെ നേതൃത്വത്തിലുള്ള സർക്കാരിനോട് പാക്ക് സെനറ്റർ സയ്യിദ് അലി സഫർ ആവശ്യപ്പെട്ടു. പാക്കിസ്ഥാനിൽ പത്തിൽ ഒരാൾ സിന്ധു നദീജലത്തെ ആശ്രയിക്കുന്നുണ്ടെന്നും

(IWT) മരവിപ്പിക്കുന്നത് ഉൾപ്പെടെയുള്ള കടുത്ത നടപടികൾക്ക് ഇന്ത്യ ഒരുങ്ങുകയായിരുന്നു. സിന്ധു നദീജല കരാർ ലംഘിച്ചത് പാകിസ്ഥാനാണെന്നും, തുടർച്ചയായ അതിർത്തി കടന്നുള്ള ഭീകരാക്രമണങ്ങളാണ് കരാർ

നിർത്തിവെക്കാൻ ഇന്ത്യയെ പ്രേരിപ്പിച്ചതെന്നും ഐക്യരാഷ്ട്രസഭയിൽ ഇന്ത്യയുടെ സ്ഥിരം പ്രതിനിധി പർവതനേനി ഹരീഷ് വ്യക്തമാക്കി. "65 വർഷം മുമ്പ് നല്ല മനസ്സോടെയാണ് ഇന്ത്യ സിന്ധു നദീജല ഉടമ്പടിയിൽ

ഏർപ്പെട്ടത്. നല്ല മനസ്സോടെയും സൗഹൃദത്തോടെയും ഈ ഉടമ്പടി കൊണ്ടുപോകണമെന്നാണ് കരാറിന്റെ ആമുഖത്തിൽ പറഞ്ഞിരിക്കുന്നത്. കഴിഞ്ഞ ആറര പതിറ്റാണ്ടുകളായി, മൂന്ന് യുദ്ധങ്ങളും ആയിരക്കണക്കിന്

ഭീകരാക്രമണങ്ങളും അഴിച്ചുവിട്ടുകൊണ്ട് പാക്കിസ്ഥാൻ കരാറിന്റെ ആത്മാവിനെ ലംഘിച്ചു. കഴിഞ്ഞ നാല് പതിറ്റാണ്ടിനിടെ ഇരുപതിനായിരത്തിലധികം ഇന്ത്യക്കാരുടെ ജീവൻ ഭീകരാക്രമണങ്ങളിൽ നഷ്ടപ്പെട്ടു, ഏറ്റവും

ഒടുവിലത്തേത് കഴിഞ്ഞ മാസം പഹൽഗാമിൽ വിനോദസഞ്ചാരികളെ ലക്ഷ്യമിട്ടുള്ള ക്രൂരമായ ഭീകരാക്രമണമായിരുന്നു," ഐക്യരാഷ്ട്രസഭയിൽ പറഞ്ഞു. പാക്കിസ്ഥാൻ തെഹ്‌രീക്-ഇ-ഇൻസാഫ് (പിടിഐ) സെനറ്റർ സയ്യിദ് അലി

സഫർ, സിന്ധു നദീജലത്തെ പാകിസ്ഥാൻ ജനസംഖ്യയുടെ പത്തിലൊന്ന് പേർ ആശ്രയിക്കുന്നുണ്ടെന്നും, പ്രതിസന്ധി പരിഹരിച്ചില്ലെങ്കിൽ വലിയൊരു വിഭാഗം ജനങ്ങൾ പട്ടിണി കിടന്ന് മരിക്കുമെന്നും സെനറ്റിൽ ആശങ്ക

പ്രകടിപ്പിച്ചു. "ഈ ജലപ്രതിസന്ധി ഇപ്പോൾ പരിഹരിച്ചില്ലെങ്കിൽ നമ്മൾ പട്ടിണി കിടന്ന് മരിക്കാനിടയുണ്ട്. കാരണം, സിന്ധു നദീതടം നമ്മുടെ ജീവരേഖയാണ്. നമ്മുടെ വെള്ളത്തിന്റെ മൂന്നിൽ നാല് ഭാഗവും

രാജ്യത്തിന് പുറത്തുനിന്നാണ് വരുന്നത്. ഓരോ പത്തിൽ ഒൻപത് പേരും അതിർത്തി തടങ്ങളെ അടിസ്ഥാനമാക്കിയാണ് ജീവിതം നയിക്കുന്നത്," സഫർ പറഞ്ഞു. * "പാക്കിസ്ഥാന്റെ സൈന്യവും സമ്പദ്‌വ്യവസ്ഥയും ഓരോ

ഭീകരാക്രമണത്തിനും വില നൽകേണ്ടി വരും. പാക്കിസ്ഥാന് ഇന്ത്യയുടെ വെള്ളം ലഭിക്കില്ല. ഇന്ത്യയുടെ രക്തവുമായി കളിച്ചതിന് അവർക്ക് വില നൽകേണ്ടി വരും. ഇത് ഇന്ത്യയുടെ ദൃഢനിശ്ചയമാണ്, ലോകത്ത് ഒരു

ശക്തിക്കും നമ്മളെ ഈ ദൃഢനിശ്ചയത്തിൽ നിന്ന് മാറ്റാൻ കഴിയില്ല," എന്ന് പ്രധാനമന്ത്രി നരേന്ദ്ര മോദി മുന്നറിയിപ്പ് നൽകിയിരുന്നു. സിന്ധു നദീജല കരാർ പ്രകാരം, സിന്ധു നദീതടത്തിലെ ആറ് നദികളിൽ,

കിഴക്കൻ നദികളായ ബിയാസ്, രവി, സത്‌ലജ് എന്നിവയുടെ ജലം ഇന്ത്യക്കും പടിഞ്ഞാറൻ നദികളായ സിന്ധു, ഝലം, ചെനാബ് എന്നിവയുടെ ജലം പാകിസ്ഥാനുമാണ് ലഭിക്കുന്നത്. പാക്കിസ്ഥാൻ ഉപയോഗിക്കുന്ന ജലത്തിന്റെ 80% വും

ഈ നദികളിൽ നിന്നാണ്. 1.6 കോടി ഹെക്ടർ പ്രദേശത്തെ കൃഷി സിന്ധു നദീജലം ഉപയോഗിച്ചാണ്. കറാച്ചിയും ലാഹോറും പോലുള്ള വൻ നഗരങ്ങളിൽ ശുദ്ധജലം എത്തിക്കുന്നതും സിന്ധുവിൽ നിന്നാണ്. ഈ സാഹചര്യത്തിൽ,

ഇന്ത്യയുടെ ഈ നീക്കം പാക്കിസ്ഥാന് കടുത്ത വെല്ലുവിളിയാകും. കശ്മീരിലെ ഭീകരപ്രവർത്തനങ്ങൾ അവസാനിപ്പിക്കാൻ പാക്കിസ്ഥാനെ നിർബന്ധിതരാക്കുക എന്നതാണ് ഇന്ത്യയുടെ ലക്ഷ്യം. വരും ദിവസങ്ങളിൽ ഈ വിഷയത്തിൽ

കൂടുതൽ സംഘർഷ സാധ്യതകൾ പൊട്ടിപ്പുറപ്പെട്ടേക്കാം.